陳雷台語文學讀冊會{短篇小說集第5回} 2022/5/08《集1阿春無罪》文學寫作討論p.19~23 [出國這項代誌～紀念葉豆記先生]

 

🖋💻記錄Hūi-lêng、圖A-Koan

📖故事簡介：Beh出國進前，我轉去臺南，先去上帝廟買甘苦伯ê粽， the̍h去看阿媽的墓。甘苦伯的查某囝阿珠是我細漢的時暗戀的人。……
.

🧓#陳雷sian來開破

① 作品 vs. 作者
.

🙋🏻．「出國這項代誌」這篇的阿珠，敢是老師佮意的人？「寶石婚」彼篇（坐高鐵拄著舊情人），mah寫kah若真-ê的。對小說來看，老師少年的時佮意的人袂少hooh？抑是老師佮意一个人，kā伊化做真濟角色？
.

↪️老師： 一半一半--lah。Tsit-má想起來真心適。少年的時生命力足充足，顧慮的代誌少。愈有歲，顧慮愈濟。歹勢講。哈哈哈。會當寫kah hiah真，lín一定知影，有一半以上佇作者的心內。
.

 🙋🏻．敢有「甘苦伯」這个人？

↪️老師: 可能無像故事內面hiah-nī 一畫一畫。但是賣粽彼的人是一个地方人物，無毋著。

.
.
②. 文學vs. 歷史；作者vs. 時代

.
🙋🏻：老師的小說足濟是講228事件，白色恐怖的的代誌。我的學生𪜶/in 的感想是，若是歷史報導，看過爾爾，心內無彼種感覺。老師ka寫做散文抑是小說，予人看著心內加較沉重。
.

↪️老師: 這就是文學的效果。文學就是kā歷史、土地變做有血有肉的物件。
.
佇我這代，台灣的文學90%自然會寫真沉重的代誌，因為我這代的經驗就是按呢。我希望少年人毋通誤解講咱台灣的文學就是限佇悲慘的文學。毋通按呢想。這是歷史帶來的「擔」，阮這代的人愛寫起--來；因為若無寫，過--來的人mā袂曉寫。
.
作者的「責任」是kā彼時代的人的感情寫--出-來。我足希望，過--來少年人，𪜶有彼个目睭，有彼个感覺，寫𪜶/in 的時代的代誌，希望是較快樂的代誌。咱台灣的文學繼續發展，毋免永遠箍佇這的心情內底。這一定會發展--出來，會跳出這个䆀的歷史的箍仔。
.

.
🙋🏻：世界台灣文化論壇佇六月欲邀請胡長松先生和陳雷sian對話。這是老師家己提議欲kah少年輩對話。

.
↪️老師: 胡長松先生伊中文寫作比我較在，閣kah我差一代，應當是真心適的比較。咱眼光愛拍較開--leh。

.

.
#陳雷台語文學讀冊會短篇小說第5回 #2022/5/08 #文學寫作討論 #集1阿春無罪 p.19~23 #出國這項代誌～紀念葉豆記先生

👉Ta̍k禮拜日，多倫多夏令時間07:00冬令06:00、歐洲夏令時間13:00冬令12:00、台灣19:00；1點鐘55分鐘。讀陳雷短篇小說集5本。有興趣參加ê朋友，歡迎傳訊息hō͘  Làu台語-瑞士ê台語社！